الموضة و الجمال كيف تحطي المسكره بطريقة صحيحة؟!

كل بنت دايما تحب تظهر باحسن لوك وتبرز جمالها و ما هي حاجه صعبه اذا عرفتي كيف. أولا لازم تعرفي أيش المكياج و اللوك "look" إللي يناسبك. أنا متأكده أنو كلكم تعرفو تحطو مكياج بس السؤال هو هل بتحطو صح؟

وطبعا اكثر شيء ملفت العيون، فلما تبرزي جمالها حتضيف سحر خاص لوجهك، ومكياج العيون ما ينبرز الا باهم نقطة وضع المسكرة بطريقة صحيحة.

في ناس كثير تستعمل المسكرة بس هل تستعمله بطريقة تبرز فيها الرموش؟ أحنا اليوم حابين نعطيكم الطريقة الصحيحة لكيفية وضع المسكرة بشكل صحيح و بسيط عشان تعطوا لرموشكم جمال و جاذبيه و تبان طويلة و كثيفة.

أول شي أختاري نوع المسكره يلي تناسبك، يعني كل نوع مسكره بيركز على إبراز شيء معين زي تطويل أو تكثيف الرموش. فحددي اول ايش اللي انتي بتدوري عليه قبل ما تشتريها.
لازم تعرفي حاجه مهمة و قبل حتى ما تحطيها، لازم تكون المسكره هي اخر خطوة بمكياج عيونك يعني بعد ما تحطي الكحل و الأي شادو "eye-shadow".
أستخدمي قلابت الرموش عشان تقلبي رموشك قبل ما تحطي مسكره.
و أفضل طريقه هي أنك تبدئي من جذور الرموش و بعدين النص و بعدين الأطراف و كل مره لمدة خمس ثواني.
بعد ما قلبتي رموشك حطي مسكره بيضة كأساس قبل ما تحطي المسكرة السوداء الغامقه عشان تعطي كثافه و طراوة للرموش وقتها حتكون الرموش جاهزة عشان تحطي المسكره الأساسية.
و أخيرا صرتي جاهزه عشان تحطي المسكره، إبدئي بجذور الرموش و شوي شوي كملي لاخر الرمش بشكل zigzag عشان بهادي الطريقه تكوني حطيتي مسكرة بدون ما تلزق رموشك مع بعضها. و كرري نفس الطريقه للرموش أللي تحت.
ممكن تستخدمي ملعقة من البلاستك عند وضع المسكرة عشان تتغطى كل الرموش من غير ما تحتاجي انك توسخي وجهك وتلطخيه.
و الآن طلتك روعه و اكيد عيونك جاهزه. جربي أللي نصحناك بيه و شاركينا برأيك اذا جربتيها واستفدتي من هذه الخطوات


شارك الموضوع مع اصدقائك


اقرأ أيضا